今日去了Hello Kitty 的暑期企劃: Kitty Intelligence.
閒日他們開12noon-9pm, 我們12點去到, 買票和入場都唔駛等太耐.
今年的場地係個迷宮, 入到去就自己玩, 可以慢慢影相慢慢玩, 無人追住你去下一關.
Robot K!!
研發部: 推斷Robot K的裝備由風,火,水,土哪兩個元素製造. 四選二, ok 啦, 不太困難.
設計部: 好暗好細的房仔. 要用蝴蝶結水平板把裝備移至相應位置. 我唔識玩, 完全唔明做乜就夠鐘了. (我到而家都仲未明點玩.)
零件部: 用joystick 和腳踏切割兩件零件. 遊戲機的外型很可愛, 不太難玩, 幾好.
裝嵌部: 手持釘槍幫Robot K上三粒螺絲. 第一次玩比較難, 第二次掌握到就easy job.
維修部: 要搖動電擎器充電, 然後在亮燈的地方電擎.
質檢部: Tickle tickle 畫面上的四隻Robot K, 其中一隻會變臉. 容易的一關.
能源部: 在限時內全力攪動轉盤, 再按製决定倍數, 加 K Koins.
Overall comments:
玩: 幾好玩, 有D遊戲容易有D困難. Balance 都ok.
Sanrio 人物: 除了Kitty, 都有好幾個受歡迎的人物坐鎮, ok la.
影: 場景算靚, 裝飾好仔細, 睇得出D detailing 好用心. 任影唔趕人, 讚!!
買: 貨品唔girly, 唔太靚. 有貨都唔想買, 何況樣樣都售罄. 要知道Hello Kitty 姐的粉絲係女仔/女人, 做一些girly D, cute D 嘅產品應該好賣.
地方: 光潔明亮, 很多場景以白為主, ok 啦.
地點: 荃灣愉景新城, 不太方便, 離地鐵站好遠. 在商場搞, 似商場event, 降格了. 我諗這是租金/成本的問題.
Media: 雜誌上的攻勢很強, 又有贈品, 做得足夠.
Crossover: 今年的partnership 明顯少了, 沒有去年的聲勢. (去年的partners有Mc's,
Maxims等等一齊賣廣告, 今年都沒有了...) 零食物語的promo才剛開始, 遲了一點吧.
再入場的意慾: 無. 玩過了, 影過了. 山長路遠,唔想再去. 入多一次場會多一件裝備, 但未必抽到自己想要的, 所以不想去撞彩. 如果有特別event才會再去.
No comments:
Post a Comment