今朝一早, 6:30am 鬧鐘, 6:45am出門口, 落街買這本 U Magazine 多啦A夢 別注版.
今次送多啦A夢水樽和百寶袋, 好靚啊. 叮噹是我的童年, 當然支持啦. 更重要係因為我妹妹好喜歡叮噹, 所以晨咁早撲落街, 都係為咗買一本比妹妹.
昨 晚的雨清洗了街道, 今朝的空氣好清新. 我先到附近的一檔(非常大的)報紙檔去揾這本特別版. 檔主話無, 我覺得係佢留了貨比人. 之後我立即趕去另一邊的一間7-11. 一入門口就見到有貨, 好開心, 買到了. 7-11的售貨嬸嬸話全店只有四本特別版, 沒有收起, 也沒有留貨. 我好興幸買到, 不用周圍撲. 那時7am 都未到, 我覺得自己好癲.
百寶袋
百寶袋 (後面)
三本雜誌放在百寶袋內, 加上那樽水的重量, 再被很多set 的特別版壓着, 搞到我這個百寶袋的部份白色都甩掉了, 水樽的底部亦凹了少許.
今次搶得咁緊要, 主要係因為在海港城那邊的限量版精品一日就賣清. 好多人排三個鐘, 甚至排到暈低都買唔到, 才誘發今日咁多人想買這一本別注版 U Magazine. 點知出版社今次又整得好少別注版來賣, 所以很多人都揾唔到. 希望出版社加印一批應付需求啦.
海港城的多啦A夢誕生前100年祭展覽我都仲未去睇, 因為見到實在太多人, 太迫人了. 希望過幾日之後可以去睇睇!
寫這篇網誌時, 正掛着8號風球, 希望颱風"啟德"高抬貴手, 不要把100隻被露宿中的叮噹吹得太厲害.
No comments:
Post a Comment