由多倫多飛香港要15小時, 在機上有兩餐full meals. 每次飛行, 我都會為孩子預訂兒童餐, “希望”D嘢比較適合孩子之外, 也希望佢地早D有得食. 因為特別餐會在正常餐前派發. 回港的一程飛機, 兩餐兒童餐真係叫我眼前一亮!
第一餐有: 炸雞柳, 圈圈薯條和紅蘿蔔.
我不喜歡孩子食咁多炸嘢, 而呢D炸雞和薯條都落得好重味和炸得好乾, 好難食. 紅蘿蔔又好硬, 所以這一餐孩子只食了很少. 我知道在飛機上不能太高要求, 所以……..算!無所謂啦, 我們期待下一餐會好D啦.....
好了, 飛到懵下懵下時開第二餐. 我打開餐盒一看, “吓” 一聲, 唔係馬?! 第二餐有: 炸雞, 圈圈薯條和青豆.
兩餐都係炸炸炸, 仲要接近完全一樣, 真係想點呀?! 有無理人感受呀? 家吓D人做嘢仲有無heart架?老公見我勞氣, 同我講: 你真D啦,唔同架!上一餐係chicken strips, 今餐係chicken nuggets.
有時我真慶幸有個幽默的老公,讓我笑噃.
回到陸地後, 我發揮香港人本色: 投訴!!
我打電話去解釋情況, 並希望要求回程時的兒童餐不要兩餐都係炸物. (burger, pasta等都可以呀.)
他們的回應是: 了解情況, 也明白我的不滿, 但是不能在兒童餐上作特定要求. 因為佢哋唔係餐廳! 他們建議我可以選擇其他特別餐(如: 素食餐, 水果餐….等等), 如果唔適合就可以要番普通餐.
唉! 香港人的航空公司….你直叫我失望!!
No comments:
Post a Comment